نئی دہلی، 25 مئی(ایس او نیوز/آئی این ایس انڈیا) لوک سبھا انتخابات میں بھارتیہ جنتا پارٹی (بی جے پی) کو ملی جیت کے بعد اسد الدین اویسی نے پی ایم مودی پر کرارا حملہ بولا ہے۔ بات چیت کرتے ہوئے آل انڈیا مجلس اتحادالمسلمین (اے آئی ایم آئی ایم) کے صدر اسد الدین اویسی نے مودی کی  جیت کے پیچھے کی وجوہات کو بیان کرتے ہوئے کہا کہ بی جے پی نے قوم پرستی کو چھڑا اور انتخابات کے دوران ہندوتو کارڈ کھیلا۔اس کے ساتھ ہی اویسی نے کہاکہ بی جے پی نے ای وی ایم میں نہیں ہندو دماغ کے ساتھ دھاندلی کی۔اس الیکشن میں ذات پات اور مذہب اہم مسئلہ اہم ثابت ہوا۔بی جے پی نے ہندوتو کارڈ ادا کیا اور وہ کامیاب رہی۔پورے انتخابات میں ترقی کا مسئلہ غائب رہا۔پی ایم مودی پر حملہ کرتے ہوئے اویسی نے کہاکہ ماسک پہن کر پی ایم مودی نے ہندو ووٹروں کو بھڑکایا۔ اس دوران اویسی نے کہاکہ ملک کو ہندو نہیں ہندتواد سے خطرہ ہے۔بتا دیں کہ لوک سبھا انتخابات میں وزیر اعظم نریندر مودی کی قیادت میں بی جے پی نے ایک بار پھر جیت کا پرچم لہرایا ہے۔پورے ملک میں چلی ’مودی سنامی‘ کے بعد بی جے پی نے 300 کاہندسہ پار کر کے اکیلے 303 سیٹوں پر کامیابی حاصل کی۔وہیں این ڈی اے نے 352 سیٹوں پر قبضہ کیا ہے۔تاریخ میں پہلی بار ہوا ہے جب بی جے پی نے 300 کے اعداد و شمار کو چھو لیا ہے۔اس سے پہلے2014 میں وزیراعظم مودی کی قیادت میں بی جے پی نے اکثریت کا ہندسہ پار کر 282 سیٹوں پر قبضہ کیا تھا۔